Digər

Pakistanda dəhşətli qəza - Onlarla yaralı var

7 Mart 2021 16:01

Pakistanda sərnişin qatarının relsdən çıxması nəticəsində baş verən qəzada bir nəfər həyatını itirib, azı 40 nəfər yaralanıb.

Publika.az xəbər verir ki, hadisə ölkənin Sind əyalətinin Sukkur şəhərindən Lahora gedən qatarda baş verib.

Qatarın 18 vaqonundan 9-nun relsdən çıxdığı qəzada həyatını itirən bir nəfər qadın olub. Axtarış-xilasetmə qrupları hadisə yerində fəaliyyətlərini davam etdirirlər, polis qəza ilə əlaqədar istintaq başladıb.

Yaralanan iki nəfərin vəziyyətinin kritik olduğu və xəstəxanaya köçürüldüyü, digər yaralıların isə ambulator müalicə olunduğu açıqlanıb.

Pakistan Federal Dəmir Yolları naziri Məhəmməd Azam Xan Svati qəzanın səbəbini araşdırmaq üçün iki vəzifəli şəxsin təyin olunduğunu qeyd edib və mexanikin günahkar olduğu təqdirdə lazımi tədbirlərin görüləcəyini bildirib.

Akqabay