• USD 1,7000 0,00% EUR 2,0215 +0,00%
    • GBP 2,3347 +0,29% RUB 0,0220 +0,45%

İrandan TƏHDİD: "Yerlə-yeksan edərik"

  • Digər
  • 7 Mart 2021 16:59
  • 682 Baxış
İrandan TƏHDİD: "Yerlə-yeksan edərik"

İranın Müdafiə və silahlı qüvvələrə dəstək naziri Əmir Hatəmi israilli həmkarı Beni Qantzın İranın nüvə obyektlərinə zərbə vurmaq planlarını yenilədiklərini açıqlamasından sonra İsraili təhdid edib.

Publika.az xəbər verir ki, paytaxt Tehrandakı bir tədbirdə danışan Hatəmi Qantzın hücum planları ilə bağlı açıqlamalarına cavab verib.

İranın təhlükəsizliyini və sabitliyini qorumaq üçün lazımi hərbi qabiliyyətə sahib olduğunu söyləyən Hatəmi "Bölgədə heç kim sionist rejimi istəmədi və bu səbəbdən də ətraflarına bir divar çəkmək məcburiyyətində qaldılar. Bundan əlavə, bəzən əlacsızlıq üzündən İranı təhdid edirlər. Xəta edərlərsə, Təl-Əviv və Hayfanı yerlə-yeksan edərik", - deyə qeyd edib.

Ə.Hatəmi Livan, Suriya, İraq və Yəməndəki İranın dəstəklədiyi müqavimət qruplarının ölkəsinin İsrailə qarşı "yumşaq gücü" olduğunu da əlavə edib.

Qeyd edək ki, İsrailin Baş Qərargah rəisi Aviv Koçavi 27 yanvarda etdiyi çıxışında orduya İranın nüvə proqramının qarşısını almaq üçün yeni əməliyyat planları hazırlamağı əmr etdiyini bildirmişdi. Müdafiə naziri Beni Qantz isə martın 5-də İsrail ordusunun İranın nüvə obyektlərinə zərbə vurmaq planlarını yenilədiyini açıqlamışdı.

Akqabay

Halal Nemət

Xəbər lenti

DAHA ÇOX XƏBƏR