ABŞ-ın bu qərarından sonra Rusiyadan ŞOK AÇIQLAMA: 2 min əsgər...

Rusiya Prezidenti Vladimir Putinin Əfqanıstandakı xüsusi nümayəndəsi Zamir Kabulov Moskvada keçirdiyi mətbuat konfransında Əfqanıstan məsələsi ilə bağlı bir sıra açıqlamalar verib.

Publika.az xəbər verir ki, Z.Kabulov Əfqanıstan məsələsinin ölkədə müvəqqəti koalisiya hökumətinin qurulması ilə həll edilə biləcəyini bildirib.

Dohada danışıqların dayandırıldığını vurğulayan Kabulov Əfqanıstan məsələsinin həlli ilə bağlı genişləndirilmiş üçtərəfli görüşün keçən həftə Moskvada Rusiya, ABŞ, Çin və Pakistanın Əfqanıstandakı nümayəndələrinin iştirakı ilə keçirildiyini xatırladıb.

İclasda edilən ortaq açıqlamada Kabulov hücumları dayandırmaq üçün yalnız Taliban deyil, Əfqanıstanda mübarizə aparan hər iki tərəf üçün də çağırışların edildiyinə diqqət çəkib və bu ifadənin əfqanlar arasında danışıqların gündəmini təşkil edə biləcəyini bildirib: "Sülh müqaviləsi əvvəllər ABŞ ilə Taliban arasında imzalanıb. Bu razılaşma amerikalı əsgərlərin mayın 1-ə qədər Əfqanıstandan uzaqlaşdırılmasını nəzərdə tutur. Bu məsələ Rusiyaya aid deyil. Çünki Taliban ABŞ-la razılaşdı. Ölkə daxilində 2 min amerikalı əsgərin qalıb-qalmayacağı böyük güc tarazlığına təsir etmir. ABŞ öhdəliklərini yerinə yetirməzsə, Taliban buna reaksiya göstərəcək. Əfqanıstanda hər iki tərəfin bir-birini öldürməsini dayandırması və ölkənin ortaq idarəetmə formulunu tapması lazımdır".

Akqabay