Digər

Koronavirusun laboratoriyadan sızdırılması ilə bağlı Çindən AÇIQLAMA: 2020-ci ildə...

27 Mart 2021 11:12

Çinin Xəstəliklərə Nəzarət və Profilaktika Mərkəzi koronavirusun mənşəyi ilə bağlı açıqlama yayıb.

Publika.az xəbər verir ki, mərkəzin sədr müavini Fınq Zıcian koronavirusun laboratoriyadan sızdırıldığı ehtimalının mümkün olmadığını bilidirb.

50 ölkədən nümayəndələrin qatıldığı konfransda çıxış edən sədr müavini virusun ya yarasadan insana keçdiyi, ya da yarasanın bir məməliyə, ondan da insana yoluxduğu ehtimalı üzərində dayanıb. O, virusun donmuş qidalarla dünyaya yayıla biləcəyini də vurğulayıb.

Çin Xarici İşlər Nazirliyinin rəsmisi Yanq Tao ölkəsinin gizlədəcək heç bir şeyi olmadığını dilə gətirib.

Qeyd edək ki, Çin daha öncə ABŞ-ın virusun mənşəyinin araşdırılması ilə bağlı istintaq işinin açılması tələbini rədd etmiş, Avstraliya hökumətinin 2020-ci ildə Ümumdünya Səhiyyə Təşkilatına beynəlxalq istintaq çağırışı etməsindən sonra bu ölkəyə ixracat məhdudiyyətləri gətirmişdi.

Zümrüd