Şimali Koreya ABŞ-ı TƏHDİD ETDİ
Bizi izləyin

Digər

Şimali Koreya ABŞ-ı TƏHDİD ETDİ

ABŞ Prezidenti Co Baydenin yüz günlük rəhbərliyi dövründə Konqresdəki çıxışında “Şimali Koreya və İranın nüvə proqramları Amerikanın və dünyanın təhlükəsizliyi üçün ciddi təhdidlər yaradır” söyləməsi Pxenyan rəhbərliyini qəzəbləndirib.

Publika.az xəbər verir ki, Kim Çen In rəhbərliyi ABŞ-a sərt xəbərdarlıq edib.

Baydenin nüvə proqramı ilə əlaqəli sözlərinə rəsmi Pxenyan "Bu, Amerikanın və dünyanın təhlükəsizliyi üçün ciddi təhdidlər yaradır. ABŞ-ı çox ağır vəziyyətdə qoyacaq cavab verəcəyik", sözləri ilə qarşılıq verib və Co Bayden rəhbərliyini düşmən siyasət yeritməkdə günahlandırıb.

Şimali Koreya XİN-in verdiyi açıqlamada ABŞ Prezidentinin siyasətinin aqressiv olduğu və Amerikanı çox ağır duruma sala biləcəyi vurğulanıb.

Şimali Koreya Xarici İşlər Nazirliyinin ABŞ departamentinin rəhbəri Kvon Çon Qın Baydenin Konqresdəki çıxışının "qəbuledilməz və böyük səhv" olduğunu bildirib. Şimali Koreya mətbuatına danışan Qın "Baydenin açıqlamaları ABŞ-ın Şimali Koreyaya qarşı yarım əsrdən çoxdur ki, düşmənçilik siyasətini həyata keçirməyə davam etmək niyyətini açıq şəkildə əks etdirir", deyib.

Akqabay

Oxumağa davam et
Reklam
Reklam

Gündəm