Ən sürətli qəbirqazan kimdir? - YARIŞ KEÇİRİLDİ

Rusiyanın Mərkəzi Sibir bölgəsində ənənəvi məzar qazma yarışının 2021-ci il mərhələsi keçirilib.

Publika.az xəbər verir ki, ötən il Omsk şəhərində baş tutmuş maraqlı yarışbu dəfə Novosibirsk şəhərinin krematoriyinin yaxınlığında təşkil edilib.

"Nekropol – Sibir 2021" sərgisi çərçivəsində keçirilən yarışın qalibi tapşırığı 38 dəqiqəyə yerinə yetirən Omsk komandası olub. Yarışda Tomsk və Novosibirsk vilayətləri, həmçinin Altay diyarının iki qazıcıdan ibarət komandaları da iştirak edib. Tapşırığı yerinə yetirmək üçün iştirakçılar 200 sm uzunluğunda, 80 sm enində və 160 sm dərinliyində bir məzar qazmalı idilər. Yarışa qatılan iki komanda lazımi ölçülər riayət edə bilməyib.

Təşkilatçılar sürət və ölçü ilə yanaşı, işin texnikasını və dəqiqliyini də nəzərə alıblar. Ölçmə üçün tabutdan istifadə edilib. Yarışın əsasnaməsinə görə, müsabiqənin məqsədi peşənin nüfuzunu və iş səviyyəsini yüksəltmək, həmçinin gənc nəslin dəfn xidməti işçisi peşəsinə diqqətini cəlb etməkdir.