• USD 1,7000 0,00% EUR 2,0009 0,00%
    • GBP 2,3392 0,00% RUB 0,0231 0,00%

Nazarbayevin Putindən XAHİŞİ: “Qalıqlarını təhvil verin”

  • Digər
  • 4 İyul 2021 11:09
  • 1 750 Baxış
Nazarbayevin Putindən XAHİŞİ: “Qalıqlarını təhvil verin”

Qazaxıstanın keçmiş prezidenti Nursultan Nazarbayev Rusiya Prezidenti Vladimir Putinlə iyunun 30-da baş tutmuş görüşündə müqəddəs hesab etdikləri sonuncu qazax xanı - Kenesarı Xanın qalıqlarını tapıb Qazaxıstana göndərməsini xahiş edib. Bu barədə mətbuata keçmiş prezidentin sözçüsü məlumat verib.

Məlumata görə, Nazarbeyev görüşdə sonuncu xanın qalıqlarının doğma torpaqlarında basdırılmasının və ruhunun rahatlıq tapmasının qazax xalqı üçün çox vacib olduğunu vurğulayıb. Putin də bu məsələdə hərtərəfli kömək edəcəyini deyib.

Xan Kenesarı müasir Qazaxıstanda dövlət səviyyəsində 1837-1847-ci illərdə Rusiya İmperiyasından ayrılmağı hədəfləyən Qazaxıstan milli azadlıq hərəkatının lideri hesab edilir. Sovet və Rusiya tarixşünaslığında isə Kenesarı Qazaxıstanı Rusiyadan ayırmağa çalışan hərəkatın lideri kimi xarakterizə olunurdu.

Kenesarı Xan 1847-ci ildə Qırğızıstan ərazisində tutulub. Həmin vaxt o, 15 minlik qoşunla Qırğızıstan ərazisinə giribmiş. Onun kəşilmiş başını Qırğız xanı Ormon sədaqət əlaməti olaraq mum möhürlü bir məktubla Sibir general-qubernatoru Qorçakova hədiyyə olaraq göndərib.

Qazaxıstanlılar arasında belə bir məlumat var ki, Kenesarının başı bu günə qədər Sankt-Peterburqdakı muzeylərdən birində saxlanılır. Qazaxıstanın Baş Konsulluğu 2004-cü ildə bu məsələ ilə bağlı muzeyə rəsmi sorğu göndərib, lakin muzeydə belə bir eksponatın olmadığını bildiriblər. (virtualaz.org)

Halal Nemət

Xəbər lenti

DAHA ÇOX XƏBƏR