Qırğızıstanda FETÖ əleyhinə BÖYÜK ƏMƏLİYYAT BAŞLADILDI: Siyahıda sabiq prezident də var

FETÖ təşkilatının əsas ölkələrindən biri sayılan Qırğızıstanda terror təşkilatına qarşı əməliyyat başladılıb.

Publika.az xəbər verir ki, ötən günlərdə böyük bir əməliyyatla ələ keçirilən FETÖ üzvü Orhan İnandinin Türkiyəyə gətirilməsindən sonra Qırğızıstan Daxili İşlər Nazirliyi FETÖ-yə qarşı hərtərəfli istintaq aparılmasına qərar verib.

İstintaq çərçivəsində keçmiş prezident Almazbek Atambayevin də adı siyahıya daxil edilib.

Keçmiş prezident Atambayev səlahiyyət müddətində FETÖ məktəblərində çalışan 10 Türkiyə vətəndaşına Qırğızıstan vətəndaşlığı verməkdə günahlandırılır. Bişkek Polis İdarəsi Türkiyə vətəndaşlarına qanunsuz olaraq Qırğızıstan vətəndaşlığı verdiyini aşkarlayıb.

İstintaqa görə, 2016-cı ildə Almazbek Atambayev iqtidarda olduğu zaman Prezident Vətəndaşlıq Komissiyası heç bir əsas olmadan 10 Türkiyə vətəndaşının Qırğızıstan vətəndaşlığına qəbul edilməsini təsdiqləyib. Açıqlamada bu şəxslərin FETÖ ilə əlaqəli olduğu bildirilir.

FETÖ təşkilatını dəstəkləməkdə günahlandırılan Atambayev Qırğızıstanı 2011-2017-ci illərdə idarə edib.

Akqabay