Digər

BMT-də Əfqanıstanla bağlı konfrans keçiriləcək

4 Sentyabr 2021 15:42

BMT Baş katibinin sözçüsü Stefan Ducarrik Əfqanıstana həyati əhəmiyyətli humanitar yardımların davam etdirilməsi üçün Cenevrədə yüksək səviyyəli bir konfransın keçiriləcəyini açıqlayıb.

Publika.az xəbər verir ki, Ducarrik BMT baş katibi Antonio Quterreşin də konfransda iştirak edəcəyini bildirib:

"BMT-nin Əfqanıstanda humanitar yardımı davam etdirmək üçün 1,3 milyard dollarlıq maliyyə dəstəyinə ehtiyacı var, lakin bu maliyyələşmənin yalnız 39 faizi bu günə qədər tamamlanıb. BMT-nin humanitar fəlakət riski ilə bağlı xəbərdarlıq etdiyi Əfqanıstanda 38 milyon insanın yardıma ehtiyacı var".

BMT rəsmiləri hər üç Əfqanıstan vətəndaşından birinin qida tapmadığını söyləyir. 5 yaşdan kiçik Əfqan uşaqlarının təxminən yarısının önümüzdəki 12 ay ərzində aclıqla üzləşə biləcəyi təxmin edilir.

Tural Turan