Digər

Fransız hərbçilərin qarşısı kəsildi: Evinə dön!

21 Noyabr 2021 13:11

Burkina-Fasodan Nigerə doğru irəliləyən Fransa əsgərlərinə məxsus hərbi konvoy Kaya şəhərinin sakinləri tərəfindən əngəllənib.

Publika.az Axar.az-a istinadən xəbər verir ki, “Bura bizim evimizdir”, “Evinə dön, Fransa” və “Ölkəmizi tərk et Fransa” yazılmış plakatlar daşıyan nümayişçilər fransız əsgərlərinin terror qruplaşmalarına dəstək verdiyini və onları silahla təmin etdiklərini iddia ediblər.

Geri çəkilməli olan konvoy Kayadan təxminən 5 kilometr aralıda köhnə daş karxanasına sığınmalı olub.

Məsələ ilə bağlı Fransa və Burkina-Faso tərəfindən rəsmi açıqlama verilməyib.

Qeyd edək ki, 2014-cü ildə başlayan "Barxan" əməliyyatı çərçivəsində Sahel bölgəsindəki Mavritaniya, Mali, Burkina-Faso, Niger və Çadda Fransanın 5100 əsgəri var.