• USD 1,7000 0,00% EUR 1,9262 +0,30%
    • GBP 2,2640 -0,01% RUB 0,0230 +0,43%

"Nobel"li baş nazir savaşa qatıldı

  • Digər
  • 25 Noyabr 2021 11:04
  • 556 Baxış
"Nobel"li baş nazir savaşa qatıldı

Efiopiyanın iki il əvvəl "Nobel" sülh mükafatı verilmiş baş naziri Abiy Əhməd hökumət başçısı kimi "məsuliyyəti öz üzərinə götürmək üçün" üsyançı qruplarla savaşa qatılmaq məqsədi ilə cəbhə bölgəsinə yollanıb.

Publika.az "Milliyet"ə istinadla xəbər verir ki, "Nobel" sülh mükafatına layiq görülmüş bir şəxsin üsyançı Tiqray Xalq Qurtuluş Cəbhəsi ilə müharibədə şəxsən iştirakı ölkəsində birmənalı qarşılanmayıb. Hətta baş naziri buna görə qınayanlar da olub.

Efiopiya hökuməti baş nazir Abiy Əhmədin keçmiş hərbçi olaraq döyüşlərə qatıldığını vurğulayıb və başqa heç bir açıqlama verməyib.

Beynəlxalq Demokratiya və Seçkilərə Dəstək İnstitutundan tədqiqatçı Adem Abebe isə deyib ki, ölkədə vəziyyət son dərəcə təhlükəlidir:

"Əgər baş nazir Əhməd yaralansa və ya ölsə, təkcə federal hökumət deyil, həm də ölkənin ordu sistemi çökəcək".

Qeyd edək ki, üsyançılarla ağır döyüşlərdən və dövlətçilik üçün təhlükə yarandığından 2 noyabrdan etibarən Efiopiyada fövqəladə vəziyyət elan edilib.

Tural Turan

Halal Nemət

Xəbər lenti

DAHA ÇOX XƏBƏR