Digər

SON DƏQİQƏ: Cənubi Afrika parlamentinin binası yanır - FOTO/VİDEO

2 Yanvar 2022 11:46

Cənubi Afrika Respublikasının (CAR) paytaxtı Keyptaun şəhərində ölkə parlamentinin binasında yanğın başlayıb.

Publika.az-ın məlumatına görə, yanğın binanın damında başlayıb və hazırda binanın içərisinə keçib.

Yanğını hələ ki, söndürmək mümkün olmayıb. Hadisə yerinə əlavə yanğından mühafizə bölmələri cəlb edilir. Ölənlər və xəsarət alanlar, həmçinin yanğının səbəbi barədə məlumat verilmir.

Şəhərin yanğınsöndürmə və xilasetmə xidmətinin rəhbəri Cermeyn Karelsin sözlərinə görə, fövqəladə hallar xidmətlərinə yerli vaxtla saat 05:00-da (Bakı vaxtı ilə 07:00) yanğın barədə məlumat daxil olub. Hazırda bir neçə yanğınsöndürmə briqadası hadisə yerindədir və alovun qarşısını almağa çalışır: "Hətta damdakı bitum əriyir ki, bu da güclü istilərdən xəbər verir. Həmçinin binanın bəzi divarlarında çatların əmələ gəldiyi, uçma ehtimalının olduğu barədə məlumatlar var", - Karels bildirib.

Meriyanın Təhlükəsizlik Komitəsinin sözçüsü bildirib ki, alov 3-cü mərtəbədə ofis otağından başlayıb və yanğın Milli Assambleyanın (parlamentin aşağı palatası) binasına da keçib. Öz növbəsində ictimai işlər naziri Patrisiya de Lil Milli Assambleyanın binasının yanmadığını, yanğının nəzarət altına alındığını bildirib.

Qeyd edək ki, Keyptaun Parlament kompleksi bir neçə binadan ibarətdir - 19-cu əsrə aid köhnə bina və aşağı palatanın yerləşdiyi 1920 və 1980-ci illərə aid yeni binalar.

Akqabay