Yaponlar iqtisadiyyat naminə istilərə dözməli olacaq

Yaponiya hökuməti rekord isti hava şəraiti ilə bağlı Tokio sakinlərindən elektrik enerjisindən mümkün qədər az istifadə etməyi xahiş edib.

Publika.az xəbər verir ki, bu barədə “The Guardian” məlumat yayıb. Meteoroloqların məlumatına görə, şəhərdə havanın temperaturu Selsi üzrə 35 dərəcəyə çatıb. Səlahiyyətlilər ev təsərrüfatlarına və müəssisələrə işıqları daha az yandırmağı və kondisionerlərdən istifadəni məhdudlaşdırmağı tövsiyə edib.

Yaponlar istiyə dözməli, xüsusilə enerjiyə tələbatın ən yüksək olduğu günorta və axşam saatlarında elektrik enerjisinə qənaət etməli olacaqlar. Şəhərdə və onun ətrafında istehsal gücü gözləmə rejimi ilə bağlı 3,7 faiz aşağı düşə bilər. Növbəti azalmalar elektrik enerjisinin nəqlinin dayanması və işıqların kəsilməsi riski ilə əlaqələndirilir.

“Qeyri-adi isti hava şəraiti bizi təəccübləndirib. Zəhmət olmasa, əməkdaşlıq edək və enerjiyə mümkün qədər çox qənaət edək”, - Yaponiyanın İqtisadiyyat, Ticarət və Sənaye Nazirliyi bildirib.

Aytən Məftun