Honq-Konqda gəmi ikiyə bölündü: "Onlarla itkin var"
Bizi izləyin
Zəfaran

Digər

Honq-Konqda gəmi ikiyə bölündü: "Onlarla itkin var"

Honq-Konqda gəmi ikiyə bölündü: "Onlarla itkin var"

Honq-Konqda baş verən Çaba Fırtınası səbəbindən 30 sərnişin və 20-dən çox heyət üzvü olan gəmi iki hissəyə bölünüb. Gəminin göyərtəsindəki onlarla insanın itkin düşdüyü bildirilir.

Publika.az bunu xarici mətbuata istinadla xəbər verir.

Honq Konq Hökumətinin Uçuş Xidməti tərəfindən edilən paylaşımda böyük hissəsi su altında qalan gəmidəki axtarış-xilasetmə işlərinin davam etdiyi göstərilir. Səlahiyyətlilər indiyədək 3 ekipaj üzvünün xilas edildiyini, itkin düşənlərin axtarışının davam etdiyini bildirib.

Pis hava şəraitinin aparılan axtarış işlərinə mənfi təsir göstərdiyini vurğulayan səlahiyyətlilər, ekipaj üzvlərindən bəzilərinin öz imkanları ilə gəmini tərk etdiyini bildiriblər.

Qeyd edək ki, Honq-Konqda Çaba fırtınasının yaratdığı güclü yağış və külək səbəbindən ictimai nəqliyyat məhdudlaşdırılıb və bir çox müəssisə bağlanıb. Meteoroloqlar qasırğanın Çinin Quanqdonq əyalətindəki Zhanjiang yaxınlığına qədər çatacağını gözləyirlər.

Aysel Məmmədova

Photo
Oxumağa davam et
Reklam
Reklam

Gündəm

Səba