Bu ölkə birdəfəlik plastiklərə qadağa qoyur

Hər il təxminən 14 milyon ton plastik qablardan istifadə edən Hindistan ətraf mühitin çirklənməsi ilə mübarizə məqsədilə birdəfəlik plastik məhsulları qadağan edib.

Publika.az bunu CNN-nə istinadla xəbər verir.

Hindistan hakimiyyəti ölkədə böyük problemə çevrilən ətraf mühitin çirklənməsinin qarşısını almaq üçün addımlar atıb.

Hökümət tərəfindən verilən açıqlamada, birdəfəlik plastik məhsulların istifadəsinin qadağan edildiyi, lakin plastik torbaların hələlik qadağadan kənarda qaldığı bildirilib.

Qadağalara plastik çəngəl, bıçaq, qulaq çöpləri, plastik qablaşdırma, şar üçün istifadə olunan plastik çubuqlar, dondurma və siqaret paketlərinin aid olduğu deyilib.

Qida və içki şirkətləri onlara qadağaya uyğunlaşmaq üçün kifayət qədər vaxt verilməməsindən şikayətlənsə də, bəzi ekspertlər qadağanın həyata keçirilməsinin çətin olacağını bildirirlər.

Birdəfəlik plastik məmulatların qeyri-qanuni istifadəsinə, satışına, yayılmasına və anbara yığılmasına nəzarət etmək üçün xüsusi nəzarət mexanizminin yaradılması qərara alınıb.

Aysel Məmmədova