Lisçianskdan sonra hədəf Slavyanskdır? - Politoloq AÇIQLADI

“Rusiya tərəfinin hərbi texnikaları və canlı qüvvəsi Ukraynanı üstələyir. Bunu Ukrayna rəsmiləri də açıq şəkildə bəyan edib. Rusların Luqansk və digər ərazilərdə üstünlük qazanmasının əsas səbəbi məhz budur”.

Bunu Publika.az-a açıqlamasında politoloq İlqar Vəlizadə deyib.

Politoloq qeyd edib ki, Ukrayna əsgərlərini Lisçianskdan çıxarmasaydı, daha çox itki verəcəkdi: “Rusiyanın hərbi taktikasına baxdıqda görünür ki, onlar hansısa bölgəni mühasirəyə alaraq oradaki əsgərləri əsir götürmək istəyir. Yəni Ukrayna belə bir addım atmasaydı, Lsiçansk və onun ətrafında olan ərazilər də mühasirəyə düşəcəkdi. Artıq Luqansk vilayətinin tam olaraq ələ keçirildiyini deyə bilərik.”

İ.Vəlizadə veruğulayıb ki, Rusiyanın Luqanskdakı növbəti hədəfi Slavyansk olacaq: “Müharibə məhz bu ərazilərdə gedəcək. Ukrayna indiki vəziyyətdə adıçəkilən ərazini müdafiə edə bilməyəcək. Amma bu o demək deyil ki, müqavimət göstərməyəcək. Müharibənin gedişatından belə bir nəticə çıxır ki, regionu ağır günlər gözləyir. Ukraynanın Rusiya ərazisinə zərbələr endirməsi müharibəni daha da alovlandıracaq. Qərb dövlətləri Ukraynanı adıçəkilən ölkənin ərazisinə hücum etməkdən çəkindirməyə çalışır. Çünki bilirlər ki, belə birşey olarsa, Rusiya daha sərt addımlar atmağa başlayacaq. Bunun da dağıdıcı nəticələri olacaq. Ona görə də Qərb dövlətləri bu məsələdə çox ehtiyyatlı davranır. Yəni müharibənin Rusiya torpaqlarında dvaam etməsi real deyil. PUA-larla hücumlar ola bilər, ancaq genişmiqyaslı hücumdan söhbət gedə bilməz”.

Rahib Ələsgərov