Etirazçıların prezidentin evindən tapdıqları pul - 49 min dollar
Bizi izləyin
Aptekonline

Digər

Etirazçıların prezidentin evindən tapdıqları pul - 49 min dollar

Etirazçılar Şri-Lanka prezidentinin evindən 17,8 milyon rupidən (49,1 min dollar) çox pul tapıblar.

Publika.az xəbər verir ki, bu barədə “GotaGoGama” etiraz hərəkatının Tvitter səhifəsində məlumat yayılıb.

“Dünən etirazçılar prezidentin evindən tapdıqları təxminən 17 milyon 850 min rupini Fort polis idarəsinin rəhbərinə təhvil veriblər”, - nəşr yazır.

Qeyd edək ki, aprel ayından bəri Şri-Lankada həyat şəraitinin kəskin pisləşməsinə qarşı vətəndaşların etirazları davam edir. Ölkə 1948-ci ildə müstəqillik əldə etdikdən sonra ən ağır iqtisadi böhranla üzləşib və bu, cəmiyyətdə sosial və siyasi gərginliyə səbəb olub.

İyulun 9-da etirazçılar prezidentin iqamətgahına içəri daxil olub və bir müddət sonra dövlət başçısının ofisini tamamilə nəzarətə götürüblər. Amma etirazçılar onun iqamətgahını mühasirəyə almazdan bir müddət əvvəl prezident Qotabaya Rajapaksa binadan təxliyə edilib.

Teqlər
Oxumağa davam et
Reklam
Reklam

Gündəm

Aptekonline