Agentlər rus pilotlarına nələri vəd edib: ŞOK iddia - VİDEO

Ukrayna agentləri Rusiyanın döyüş təyyarələrini ələ keçirmək üçün rus pilotlarına pul və hətta Avropa İttifaqı vətəndaşlığı təklif edir.

Publika.az xəbər verir ki, bu iddianı Rusiya hakimiyətinə bağlı "RT" telekanalı ortaya atıb.

Rusiya kəşfiyyatına əsaslanan xəbərə görə, Ukrayna müharibənin əvvəlində Rusiya ordusunun əlində olan hərbi taxnikanın siyahısını hazırlayıb və onları ələ keçirmək planı qurub. Döyüş təyyarələrini, helikopterləri və tankları ələ keçirməyə çalışan Ukrayna bu maşınları müşayiət edən rus əsgərlərinə 1 milyon dollara qədər mükafat təklif edib.

Rusiya Federal Təhlükəsizlik Xidməti (FSB) də Ukraynanın Rusiya döyüş təyyarələrini qaçırmağa cəhd etdiyini, lakin insidentin qarşısının alındığını açıqlayıb.

“Federal Təhlükəsizlik Xidməti NATO xüsusi xidmət orqanlarının nəzarətində olan Ukrayna Müdafiə Nazirliyinin Baş Kəşfiyyat İdarəsinin Rusiya Aerokosmik Qüvvələrinə məxsus döyüş təyyarələrinin qaçırılması üzrə həyata keçirdiyi əməliyyatı aşkar edib və dayandırıb”, - FSB-nin bəyanatında deyilir.

Rahib Ələsgərov