Digər

Filippinin keçmiş prezidenti vəfat etdi

31 İyul 2022 16:37

Filippinin keçmiş prezidenti Fidel Valdez Ramos 94 yaşında vəfat edib.

Publika.az xəbər verir ki, bu barədə dövlət başçısı yanında ictimaiyyətlə əlaqələr şöbəsinin rəhbəri Triksi Kruz-Anceles məlumat verib.

O, özünün Feysbuk səhifəsində yazıb: “Biz keçmiş prezident Fidel V.Ramosun vəfatı barədə dərin kədər hissi ilə xəbər tuturuq. İstər hərbi, istərsə də hakimiyyətin başçısı kimi ölkəmizdə baş verən böyük dəyişikliklərdə iştirakı ilə arxada parlaq irs, tarixdə etibarlı yer qoyur. Biz onun ailəsinə, dostlarına, sinif yoldaşlarına və həmfikirlərinə dərin hüznlə başsağlığı veririk”, - Kruz-Anceles əlavə edib.

Ramos 1992-1998-ci illərdə Filippinin 12-ci prezidenti olub. Onun administrasiyası 2000-ci ilə qədər ölkəni sənayeləşdirməyi hədəfləyən Filippin 2000 proqramı ilə şöhrət qazanıb. Bu təşəbbüs respublika iqtisadiyyatının dirçəldilməsinə xidmət edib.

Teqlər Filippin