Pelosinin təyyarəsi Taypeyə enir: Tayvan ordusu hazır vəziyyətdə - SON DƏQİQƏ

ABŞ Konqresinin Nümayəndələr Palatasının spikeri Nensi Pelosini daşıyan təyyarənin Taypeyə getdiyi bildirilir.

Publika.az xəbər verir ki, bu barədə “RİA Novosti” “Flightradar” məlumatlarına istinadən məlumat yayıb.

TASS isə polis məlumatlarına istinadən Tayvanın “Sanli” telekanalına istinadən xəbər verir ki, təyyarənin çərşənbə axşamı yerli vaxtla saat 22:00-da (Bakı vaxtı ilə 18:00) Taypeyin Sonşan hava limanına enəcəyi gözlənilir.

Telekanalın məlumatına görə, səfər zamanı təhlükəsizliyin və yol hərəkətinə nəzarətin təmin edilməsinə azı 300 hüquq-mühafizə orqanı əməkdaşı cəlb edilib.

“China Times” yazıb ki, ada ətrafında vəziyyət gərginləşməyə başlayanda Tayvan rəhbərliyi ABŞ Nümayəndələr Palatasının spikerinin səfərini ləğv etməyə çalışıb. Nəşrin məlumatına görə, hakim Demokratik Tərəqqi Partiyasının nümayəndələri amerikalı siyasətçinin dəvətini gizli şəkildə geri götürüblər, lakin sonda Pelosi səfərdə israr edib.

Çin də öz növbəsində dəfələrlə Pelosini adaya səfərə gəlməməsi barədə xəbərdarlıq edərək, ABŞ-ın bununla ABŞ-ın Çinin Tayvan üzərindəki suverenliyinə meydan oxumağa çalışdığını vurğulayıb.

Akqabay