Digər

Məşhur alim buna görə HƏBS OLUNDU

6 Avqust 2022 14:02

Rusiyada prezident Vladimir Putinin tez-tez təriflədiyi hipersəs raket proqramının ən önəmli adlarından olan alim Andrey Şipilyukun vətənə xəyanət ittihamı ilə saxlanılması ölkədə böyük müzakirələrə səbəb olub.

Publika.az xəbər verir ki, bununla bağlı Rusiya mətbuatı informasiya yayıb.

Qeyd edək ki, Rusiya Elmlər Akademiyasının Nəzəri və Tətbiqi Mexanika İnstitutunun direktoru Dr. Şipilyuk bu yay vətənə xəyanət ittihamı ilə həbs edilən üçüncü rusiyalı alim oldu. Raket proqramının baş tədqiqatçısı Anatoli Moslov bundan əvvəl hipersəs raketləri haqqında məxfi məlumatları başqa ölkələrə ötürməkdə ittiham edilərək iyunun 27-də həbs edilmişdi. Tədqiqatçı Dimitri Kolker də Çin kəşfiyyatı ilə əməkdaşlıq ittihamı ilə həbs edilib və həbsxanada xərçəng xəstəliyindən dünyasını dəyişib.

Rahib Ələsgərov