Quterreşdən Zaporojya AES-lə bağlı ÇAĞIRIŞ

BMT-nin Baş katibi Antonio Quterreş Zaporojya Atom Elektrik Stansiyasının (ZNPP) ərazisində bütün hərbi əməliyyatları dərhal dayandırmağa çağırıb. Onun sözlərinə görə, bu, hər hansı bir zərər fəlakətli nəticələrə gətirib çıxaracaq.

Publika.az xəbər verir ki, bu barədə dünya təşkilatının saytında dərc olunmuş bəyanatda deyilir.

“Mən stansiyanın bilavasitə yaxınlığında bütün hərbi əməliyyatları dərhal dayandırmağa, həmçinin stansiya obyektlərini və ya ətraf əraziləri hədəf almamağa çağırıram. Mən sizi bütün hərbi personalı və hərbi texnikanı stansiyadan çıxarmağa və bu əraziyə hər hansı digər hərbi qüvvə və ya hərbi texnikanın yerləşdirilməsinin qarşısını almağa çağırıram”, - deyə Baş katib yazıb.

Quterreş xatırladıb ki, hər hansı nüvə obyektlərinə mümkün hər hansı ziyan nəinki bilavasitə yaxınlıqdakı ərazilər, həm də region, eləcə də ondan kənarda fəlakətli nəticələrə səbəb ola bilər.

O, bütün tərəfləri “sağlam düşüncə nümayiş etdirməyə və Avropada bu cür ən böyük stansiya olan atom elektrik stansiyasının fiziki bütövlüyünə və təhlükəsizliyinə təhlükə yarada biləcək heç bir addım atmamağa” çağırıb.

Murad