Vaşinqton Moldova enerjisinə 42 milyon sərmayə qoyur

ABŞ-ın Kişinyovdakı səfiri Kent Loqsdon bildirib ki, Vaşinqton Moldova enerji sisteminə 42 milyon dollar sərmayə yatıracaq.

Publika.az xəbər verir ki, bu barədə “RİA Novosti” məlumat yayıb.

Səfirin sözlərinə görə, bu vəsaitlər enerji sektoruna cari problemlərin həllində dəstək olacaq və “təhlükəsiz enerji gələcəyinin inkişafına töhfə verəcək”.

"Ümumilikdə Moldova davamlı və ekoloji cəhətdən təmiz enerji sektorunun inkişafı üçün təqribən 60 milyon dollar alıb”, - o əlavə edib.

Bundan əvvəl ABŞ dövlət katibi Entoni Blinken bildirmişdi ki, ABŞ Ukrayna və Moldovada enerji sektoruna dəstək üçün Konqresdən 1,1 milyard dollar istəyib. Bu barədə o, Buxarestdə keçirdiyi mətbuat konfransında bildirib.

Noyabrın 10-da ABŞ-ın milli təhlükəsizlik müşaviri Ceyk Sallivan ABŞ-ın Ukraynaya yeni hərbi yardım paketini açıqlayacağını bildirib.

O bildirib ki, yeni hərbi yardım paketinə “Hawk” hava hücumundan müdafiə sistemləri (ADS) üçün raketlər, həmçinin “Stinger” raketləri ilə təchiz edilmiş dörd "Avenger" hava hücumundan müdafiə sistemi daxildir.

Ayşən Rəhim