Rumıniyada anti-Ukrayna çağırışları: Bizi ələ salırlar

"Rumıniya Ukraynaya yardımı dayandırmalıdır. Onlar rumıniyalıları ələ salırlar".

Publika.az xəbər verir ki, bu çağırışı Rumınların Birləşməsi Alyansının (AUR) lideri George Simion edib.

O, “Facebook” səhifəsində yazıb: “Rumıniyalılar ələ salınmağa davam edərsə, Rumıniya artıq Ukraynaya kömək etməyə borclu deyil”. O, Ukraynanın milli azlıqlarla bağlı yeni qanununu “Ruminiya icması üçün məyusluq” adlandırıb.

Ukraynanınn qəbul etdiyi qanun Rumıniya Milli Liberal Partiyasının birinci vitse-prezidenti Rares Boqdan tərəfindən də tənqid edilib. Onun fikrincə, Ukrayna silahlı münaqişə başlayandan sonra “dünyada nadir həmrəylik nümayiş etdirən” rumıniyalılara qarşı “ədalətsiz və təhqiramiz” hərəkət edib”.

Bundan əvvəl Rumıniya Xarici İşlər Nazirliyi Ukraynada milli azlıqlar haqqında yeni qanunun qəbul edilməsindən təəssüfləndiyini bildirib.

Dekabrın 13-də Ukrayna Aİ-yə daxil olmaq üçün tələb olunan milli azlıqlar haqqında qanun qəbul edib. Eyni zamanda, Ukraynada dil haqqında qanun var və ona görə, ölkə vətəndaşları ictimai həyatın bütün sahələrində Ukrayna dilindən istifadə etməyə borcludurlar. Bu, ilk növbədə rus dilinə qarşı yönəlib, lakin digər milli azlıqların hüquqlarını da pozur.

Dekabrın 21-də Macarıstanın baş naziri Viktor Orban Kiyevi 2015-ci ildən milli azlıqlara qarşı diskriminasiya sistemi yaratmaqda ittiham edib.

Ayşən