Digər

Ukrayna bu il tərəfdaşlardan 120 milyard alıb

28 Dekabr 2022 18:54

Ukraynaya verilən rəsmi yardımın ümumi məbləği bu il 120 milyard dollara çatıb.

Publika.az xəbər verir ki, bu barədə Ukrayna Milli Bankının (UMB) təqdim etdiyi 2022-ci il üzrə Maliyyə Sabitliyi Hesabatında deyilir. “Tərəfdaş ölkələrdən elan edilmiş və göstərilən rəsmi maliyyə, hərbi və humanitar yardımın ümumi məbləği artıq 120 milyard dolları ötüb”, - deyə hesabatda qeyd olunub.

Ehtimal olunur ki, gələn il Avropa İttifaqı Şurası Ukraynaya 18 milyard avro verəcək, müvafiq mexanizm artıq razılaşdırılıb.

Fevralın 24-də Rusiya prezidenti Vladimir Putin Ukraynada hərbi xüsusi əməliyyat keçirmək qərarını açıqlayıb.

Əməliyyatın keçirilməsi qərarı ABŞ və müttəfiqlərinin Rusiyaya qarşı yeni sanksiyalarının səbəbi olub.

Ayşən