Digər

Çimərlikdə qeyri-adi skelet tapıldı: Yadplanetli, yoxsa... - FOTO

24 Yanvar 2023 18:00

İngiltərənin Hempşir qraflığının sakini Culi Barker iti ilə gəzərkən naməlum məxluqun qalıqlarını tapıb.

Publika.az xəbər verir ki, bu barədə “Hampshire Live” məlumat yayıb.

Barker bildirib ki, it Gosport çimərliyində gəzərkən qeyri-adi skelet aşkar edib: “İt diqqətimi tapıntıya çəkdi və mən onun hansı məxluq olduğunu düşünməyə başladım. Fikirləşdim ki, vatoz və ya dəniz atı ola bilər. Bədən sümükdən çox, qığırdaq kimi görünürdü. Skeletdə qalan dəri çox qırışmış və qurumuşdu”.

Barker skeletin fotosunu sosial şəbəkədə paylaşıb. İstifadəçilər qadının hansı məxluq tapdığını təxmin etməyə çalışıb, bəziləri isə onu yadplanetli ilə müqayisə ediblər.

Hempşir Vəhşi Təbiət Fondunun dəniz bioloqu Tim Ferreronun sözlərinə görə, skelet həqiqətən də vatoz və ya dəniz atının qalıqlarına bənzəyir. O qeyd edib ki, məxluqun üzgəcləri dişlənib və ya kəsilib.