Digər

Ata 6 azyaşlı uşağını evin zirzəmisində niyə gizlədib? - Şok səbəb - VİDEO

31 Yanvar 2023 09:22

Avstriyanın Obrits kəndinin sakinləri qonşularının evindən gələn uşaq ağlaması səsindən şübhələnərək polisə müraciət ediblər.

Publika.az “Daily Mail”-ə istinadla xəbər verir ki, hadisə yerinə gələn polis əməkdaşları bağlı zirzəmidə 6 azyaşlı uşaq tapıb.

Ev sahibi polisə müqavimət göstərməyə çalışıb, o, onlara bibər qazı ilə hücum edib. Qandallanan ata etiraf edib ki, zirzəmi bunker kimi möhkəmləndirilib və arvadını, ən kiçiyi 7 aylıq olan 6 uşağını orada qalmağa məcbur edib.

Məlum olub ki, 54 yaşlı kişi dünyanın mümkün sonu haqqında konspiroloji nəzəriyyənin tərəfdarıdır. O, ailəsini zirzəmidə saxlayaraq “fəlakətdən” onları qorumaq istəyib.

Polisin hesabatında qeyd olunur ki, zirzəmi qapılar, pəncərələr, santexnika, elektrik və təhlükəsizlik kameraları daxil edilməklə təmir edilib. Lakin sanitar şərait “qeyri-kafi” və “uşaqlar üçün yararsız” hesab edilib. Yerli hakimiyyət ailəni qəyyumluğa götürüb.

Murad