Blinkenin Mərkəzi Asiya səfərinin detalları: ABŞ nəyə ümid edir?

“ABŞ dövlət katibi Entoni Blinken Ukraynadakı müharibə ilə bağlı gərginliyin artması fonunda Mərkəzi Asiyanın aparıcı diplomatları ilə bir sıra görüşlər keçirmək üçün çərşənbə axşamı Qazaxıstana səfər edib”.

Publika.az xəbər verir ki, bu barədə “Associated Press” yazıb.

Blinken Qazaxıstanın xarici işlər naziri Muxtar Tileuberdi, daha sonra Qazaxıstan prezidenti Kasım-Jomart Tokayevlə danışıqlar aparıb. Bundan sonra ABŞ və keçmiş sovet respublikaları - Qazaxıstan, Qırğızıstan, Tacikistan, Türkmənistan və Özbəkistandan ibarət C5+1 qrupunun görüşü gözlənilir.

ABŞ Dövlət Departamentinin bəyanatında deyilir ki, görüşdə Blinken “ABŞ-ın Mərkəzi Asiya ölkələrinin müstəqilliyi, suverenliyi və ərazi bütövlüyünə sadiqliyini” vurğulayacaq.

Blinkenin Astana və Daşkənd səfəri onun dövlət katibi kimi Orta Asiyaya ilk səfəridir.

“ABŞ rəsmiləri ümid edirlər ki, Blinken Mərkəzi Asiyalıları Rusiyanın Ukraynaya müdaxiləsinin onlar üçün təhlükə yaratdığına inandıra bilər.

Onilliklər ərzində ABŞ regionun keçmiş sovet ölkələrini Moskvanın təsirindən uzaqlaşdırmaq üçün uğursuz cəhdlər edib. Onlardan bəziləri, xüsusilə Özbəkistan və Tacikistan Əfqanıstanda 20 ildir davam edən münaqişə zamanı ABŞ-a maddi-texniki yardım göstərib”, - agentlik qeyd edir.

Akqabay