Pensiya yaşı artırılacaq

Fransada pensiya islahatı ilə bağlı davam edən etirazlar fonunda Çin hakimiyyəti vətəndaşların pensiya yaşını artırmaq planlarını açıqlayıb. Əhalinin sürətli qocalmasının qarşısını almaq üçün belə bir addım atılıb.

Publika.az “Reuters”ə istinadla xəbər verir ki, Çin Xalq Respublikasının Əmək və Sosial Elmlər Akademiyasının prezidenti Cin Veyqanqın sözlərinə görə, pensiya yaşının artırılması mərhələli şəkildə həyata keçiriləcək və yaşı aktiv işin sonuna yaxınlaşan insanlara o qədər də təsir etməyəcək.

“Pensiya yaşına yaxınlaşan insanlar pensiyanı yalnız bir neçə ay təxirə salmalı olacaqlar”, - o izah edib.

Pensiya yaşının dəyişməsi hələ rəsmi olaraq elan edilməyib və Çində bu rəqəm dünyada ən aşağı göstəricilərdən biri olmaqda davam edir.

Bu mərhələdə ÇXR hakimiyyət orqanları vətəndaşlar üçün optimal pensiya yaşını müəyyən etmək üçün hərtərəfli araşdırmalar aparır. Və bunu qaldırmalı olacaq, çünki demoqrafik problemlər və ölkənin 1,4 milyard əhalisinin sürətlə qocalması büdcəyə daha çox təzyiq göstərir: əgər Çində hazırda 60 yaşdan yuxarı 280 milyon insan varsa, 2035-ci ilə qədər bu rəqəm artaraq 400 milyona çata bilər ki, bu da kifayət qədər yüksəkdir.

Murad