Digər

Makron: Çin burada "vacib rol" oynayır

5 Aprel 2023 18:45

"Ukraynada sülhə gedən yolun tapılmasında Çinin “vacib rolu” var".

Publika.az xəbər verir ki, bunu Pekinə üç günlük səfərə başlayan Fransa prezidenti Emmanuel Makron deyib.

Çin lideri Si Cinpin ilə görüşdən əvvəl Pekində fransız icmasının toplantısında danışan Makron, Fransanın Ukraynada "sülh və sabitlik üçün bu ortaq məsuliyyətdə" Çinlə işləməyə çalışacağını söyləyib.

O, Pekinin Ukraynada nüvə silahının istifadəsinə qarşı çıxdığını, eləcə də Kiyev arasında sülh təklifini qeyd edərək, “Çin, son günlərdə yenidən təsdiqlənən Rusiya ilə yaxın münasibətləri ilə mühüm rol oynaya bilər”, - deyə vurğulayıb.

Makronun məqsədlərinə həmçinin Çinin Avropa ilə ticarət əlaqələrini saxlamaq və balanslaşdırmaq, həmçinin Asiya-Sakit okean regionunda Fransanın maraqlarını qorumaq daxildir.

"Biz özümüzü Çindən ayırmamalıyıq" deyən Makron Pekinin fransız icmasına gələrkən Fransanın "Çin ilə ticari əlaqələri davam etdirməyə fəal şəkildə öhdəlik götürəcəyini" bildirib.

Ayşən