Rusiya ABŞ-ı təhdid edən “ölüm üçbucağı” yaratdı

Jurnalist Federiko Ciuliani “InsideOver” üçün yazdığı məqalədə Rusiyanın Hind-Sakit okean regionunda ABŞ üçün təhlükə yaradan “blok”un bir hissəsinə çevrildiyini bildirib.

Publika.az xəbər verir ki, jurnalistin sözlərinə görə, istənilən coğrafi xəritədə Çin, Şimali Koreya və Rusiyadan ibarət olan Sakit okeanda “ölüm üçbucağı”na asanlıqla rast gəlmək olar.

Onun sözlərinə görə, bu “ölüm üçbucağı” ABŞ hakimiyyətini təkcə Ukraynadakı vəziyyətə deyil, həm də Şərqi Asiyaya diqqət yetirməyə məcbur edir. “Pxenyan və Moskva Bayden administrasiyasının həyatını çətinləşdirmək üçün ərazidən istifadə edərək Vaşinqtona təzyiqi artırmaqdan məmnundurlar”, - Ciuliani qeyd edib.

Jurnalist əlavə edib ki, Rusiya Uzaq Şərqin sahilyanı rayonlarında irimiqyaslı hərbi təlimlərə başlayıb. “Kremlin bu addımı son aylarda Sakit Okeanda hərbi mövcudluğunu genişləndirmək üçün hərəkətə keçən NATO ilə münasibətlərdə gərginlik yaşandığı bir vaxta təsadüf edib”, - deyə məqalə müəllifi izah edib. O belə nəticəyə gəlib ki, Rusiyanın bu cür hərəkətləri Rusiyanı ABŞ Silahlı Qüvvələri planlarına yenidən baxmağa məcbur edir.

Akqabay