Digər

ABŞ Bakıya görə İrəvana təzyiq edir: Tezliklə...

28 Aprel 2023 10:56

ABŞ Ermənistan rəhbərliyinə təzyiq göstərir ki, Azərbaycanla sülh müqaviləsi mümkün qədər tez imzalansın.

Publika.az xəbər verir ki, bu barədə “Hraparak” qəzeti yazıb.

Nəşrin məlumatına görə, Amerika tərəflərdən, mayın sonuna qədər sənədin ilkin variantını təsdiq etmələrini istəyir. Qeyd olunur ki, sənədin layihə variantını bu yaxınlarda ABŞ dövlət katibinin köməkçisinin müavini Erika Olson İrəvana (sonra isə Bakıya) səfəri zamanı özü ilə gətirib.

Sənədin təfərrüatları məlum deyil, lakin bəzi məlumatlara görə, Ermənistanın maraqlarına cavab vermir.

Qəzet Azərbaycanın xarici işlər nazirinin Bakının növbəti təkliflər paketi göndərdiyini, lakin bir neçə həftədir ki, Ermənistan tərəfinin cavab vermədiyini bildirən bəyanatını da xatırladıb.

Nəşrin yazdığına görə, “təkliflər o qədər xoşagəlməzdir ki, Ermənistan hakimiyyəti buna razılıq vermir”.

Akqabay