Digər

Məşhur aktyor cinsi təcavüzdə ittiham olunur

28 İyun 2023 17:00

Tanınmış aktyor Kevin Speysiyə qarşı cinsi qısnama iddiaları ilə bağlı Londonda məhkəmə iclası keçirilib.

Publika.az xəbər verir ki, Hollivud aktyoru barəsində irəli sürülən ittihamlarla ömürlük həbs cəzası ala bilər. K. Speysi isə məhkəmədə irəli sürülmüş 12 cinsi qısnama ittihamının heç birində özünü təqsirli bilməyib.

Aktyorun parlaq Hollivud kariyerası 2017-ci ildə ona qarşı irəli sürülən təcavüz iddiası ilə sonlanmışdı. Belə ki, aktyor Entoni Repp 14 yaşında Speysi tərəfindən təcavüzə məruz qaldığını iddia edib. Repp bildirib ki, 1986-cı ildə Speysi ona cinsi təcavüz etməyə cəhd göstərib. Zərərçəkmişin sözlərinə görə, o, aktyorun evindən qaça bilib və uzun illər baş verənlər haqqında danışmağa cəsarət etməyib.

O, illər sonra 2017-ci ildə Speysiyə qarşı ittiham irəli sürüb.

Kevin Speysi 2001-2013-cü illər arasında dörd kişiyə qarşı təcavüzdə də ittiham edilir.

Nəzrin

Teqlər Kevin Speysi