Məşhur narkobaronun sağ əli həbs edildi

İnterpolun qırmızı bülletenlə axtardığı holland narkobaron Cozef Yohannes Leydekkersin sağ əli olan "Qara Mamba" ləqəbli İsaak Biqnan həbs edilib.

Publika.az xəbər verir ki, İstanbul Narkotik Cinayətlərlə Mübarizə Şöbə Müdirliyi qrupları tərəfindən Cozef Yohannes Leydekkersin adamlarının Türkiyədə olduğu müəyyən edildikdən sonra texniki və fiziki təqibə başlanılıb. İyunun 13-də aralarında türklərin də olduğu 25 nəfər, iyunun 23-də isə Bello Josun yaxın adamlarından biri kimi tanınan və qırmızı bülletenlə axtarışda olan hollandiyalı Yurean Antoni Finiks və daha 3 nəfər saxlanılıb.

Əməliyyatlarda tapılan saxta pasportların Hollandiya və Belçikanın qırmızı bülletenlə axtardığı və Türkiyədə olduğu anlaşılan İsaak Biqnan və həyat yoldaşı üçün hazırlandığı məlum olub. Finiksin “Qara Mamba” ləqəbli Biqnan və həyat yoldaşını yaxta vasitəsilə xaricə keçirmək üçün Türkiyəyə gəldiyi müəyyən edilib. Finiks Türkiyəyə gəldiyi zaman Biqnanın qaçırılması üçün kartelin Türkiyə qolu olan Naci Y.-nin adamları ilə də əlaqə saxladığı müəyyən edilib. Finiksdən əldə edilən rəqəmsal materiallardan İsaak Biqnanın Muğlanın Fethiye rayonunda gizləndiyi müəyyən edilib.

Fəthiyədə Biqnan üçün yaxtanın hazırlandığı xəbərini alan qruplar, kritik əməliyyat üçün 25 iyunda düyməni basıb. Keçirilən əməliyyatda Biqnan, Ömər K. və Murat P. ilə birlikdə yaxalanıb. Axtarışlar zamanı sui-qəsd silahı, polad jilet, izləmə müşahidə aparatı, döyüş sursatı qutuları və pul aşkar edilib. İstanbul Narkotik Polisi Bignana kömək edən daha 3 nəfəri müəyyən edib. 3 nəfərin Muğladan Konyaya getdiyi müəyyən edilib. Əli C. Talha A. və Kənan T. də Konyada tutulub. Səkkiz məhbus əvvəlki gün "cinayət törətmək üçün təşkilat yaratmaq və cinayət nəticəsində əmlak dəyərlərinin yuyulması" ittihamı ilə dindirildikdən sonra məhkəmə qarşısına çıxarılıb. Bir nəfər sərbəst buraxılarkən, Biqnan və Finiks də daxil olmaqla 7 nəfər həbs edilərək Metris Həbsxanasına göndərilib.

Nəzrin