İngiltərənin “üzən həbsxana” planına etiraz edilir: Qeyri-insani hərəkətdir - FOTO

Britaniya hökumətinin qeyri-qanuni mühacirlər üçün planlaşdırdığı 'üzən həbsxana' ideyası mənfi reaksiyalarla qarşılanmışdı.

Publika.az xəbər verir ki, gəminin içindən çəkilən görüntülər immiqrantlar üçün ayrılmış hissələrin nə qədər kiçik olduğunu ortaya çıxarmış və immiqrant hüquqları müdafiəçiləri plana böyük təpki göstərmişdilər.

"Bibby Stockholm" gəmisinə yerləşdiriləcək ilk 50 nəfərlik qaçqın qrupun bu həftə gəminin yerləşdiyi Portland adasına gətiriləcəyi gözlənilir. Önümüzdəki həftələrdə isə plana uyğun olaraq 500 immiqrantın hamısının gəmiyə yerləşdiriləcəyi təxmin edilir.

Gəmi yerli əhali və insan haqları qrupları tərəfindən etirazla qarşılanıb. Hökumət bəyan etmişdi ki, gəmidə yerləşdiriləcək şəxslər yalnız Böyük Britaniyaya qanunsuz daxil olmuş 18-65 yaş arası yetkin kişilərdən ibarət olacaq. Britaniya hökuməti açıqlamasında bildirib ki, hazırda ölkə üzrə otellərdə təxminən 51 min sığınacaq axtaran şəxs var və bu, vergi ödəyicilərinə gündə təxminən 6 milyon funt-sterlinqə başa gəlir.

Ölkədəki immiqrantları dəstəkləyən QHT-lər və insan haqları təşkilatları qaçqınların gəmilərə yerləşdirilməsinin “qeyri-insani” hərəkət olduğunu iddia edir.

Nəzrin