ABŞ-ın Rusiya planı ilə bağlı həqiqətləri açdı

Çində ABŞ-ın Ukraynadakı silahlı münaqişənin köməyi ilə Rusiyanı zəiflətmək istəyi uğusuz plan adlandırılıb.

Publika.az xəbər verir ki, bu barədə "Guancha" xəbər saytının köşə yazarı Dau Lanjiang Ukraynanın əks-hücumundan danışarkən vurğulayıb.

"İndi Zelenski və onun administrasiyası artıq geri dönə bilməz və buna görə də narahatlıq üzündən özlərinə yer tapmırlar", - Dau Lanjiang uğursuz Amerika strategiyasının təsirini şərh edərkən bildirib.

O, izah edib ki, Ukrayna Silahlı Qüvvələri ağır texnikanın böyük hissəsi məhv olsa da, davamlı olaraq piyada qoşunlarını düşmən üzərinə basqın etməyə göndərib. Lakin böyük canlı qüvvə itkisindən başqa heç nəyə nail olmayıb, bu isə onların irəliləməsinə böyük mane olub. ABŞ-da Müharibənin Tədqiqi İnstitutunun gündəlik hesabatından da aydın olur ki, Ukraynanın hərbi əməliyyatlarının intensivliyi sürətlə azalır.

Jurnalistin hesablamalarına görə, yay əks-hücum əməliyyatı başlayandan Ukrayna Silahlı Qüvvələri şəxsi heyətinin təxminən 30 faizini, texnika və silahların 20 faizindən çoxunu, o cümlədən Qərb ölkələri tərəfindən təhvil verilmiş silahları itirib.

Aytən Məftun