ABŞ prezidenti ilə Yaponiya və Cənubi Koreya nazirlərinin zirvə toplantısı keçiriləcək

Yaponiyanın baş naziri Fumio Kişida, ABŞ prezidenti Co Bayden və Cənubi Koreya lideri Yoon Seok Yeol üçtərəfli sammitdə iqtisadi təhlükəsizliyin qorunması və Çinin nəzarət altına alınması üçün əməkdaşlıq haqqında razılığa gəlməyi planlaşdırırlar.

Publika.az xəbər verir ki, bu barədə "Nikkei" yazıb. Nəşr qeyd edib ki, üç ölkə arasındakı münasibətlər Şimali Koreyanın nüvə raket proqramı üzərində qurulub.

"Cümə günü keçiriləcək sammit bu əməkdaşlığı, o cümlədən Çinin nəzarət altına alınması və iqtisadi təhlükəsizliyi genişləndirəcək".

Siyasətçilərin Tayvan boğazında sülh və sabitliyi müzakirə edəcəkləri, həmçinin Qlobal Cənub adlanan ölkələrə, xüsusilə Cənub-Şərqi Asiya Millətləri Assosiasiyası ölkələrinə və Sakit Okean adaları ölkələrinə dəstək vermələri gözlənilir.

Ağ Evdən verilən məlumata görə, ABŞ prezidenti Co Bayden, Yaponiyanın baş naziri Fumio Kişida və Cənubi Koreya prezidenti Yoon Seok-yeol bu gün Vaşinqton yaxınlığındakı Kemp Deviddəki ölkə iqamətgahında zirvə toplantısı keçirəcəklər.

Avqustun 21-dən 31-dək Cənubi Koreya-ABŞ arasında “Ulchi Freedom Shield” (Ulchi Azadlıq Qalxanı) adlı illik təlim keçiriləcək.

Aytən Məftun