Dağıstan rəhbəri Mahaçqaladakı faciənin səbəbini açıqladı

Dağıstan Respublikasının rəhbəri Sergey Melikov bildirib ki, Mahaçqalada faciəyə sahibkarların və hakimiyyətin laqeydliyi səbəb olub. Onun sözlərinə görə, nəzarət orqanları artan təhlükə ilə bağlı təsərrüfat obyektlərinin fəaliyyətinə nəzarət etməli idi.

Publika.az xəbər verir ki, bu barədə RİA Novosti yazıb.

Məlikov bu məsələ ilə bağlı işi davam etdirəcəyini, o cümlədən Mahaçqaladakı yanacaqdoldurma məntəqəsində fövqəladə vəziyyətdən sonra verilən tapşırıqların yerinə yetiriləcəyini vəd edib. Respublika rəhbəri onu da bildirib ki, indiyədək cinayət işində yalnız bir şübhəli saxlanılıb.

Xatırladaq ki, avqustun 14-də axşam saatlarında Mahaçqalanın kənarında avtomobil servisində partlayış baş verib. Daha sonra yanğın yaxınlıqdakı yanacaqdoldurma məntəqəsinə keçib. Ekspertlərin 35 ton trotil ekvivalentində qiymətləndirdiyi partlayış nəticəsində 115 nəfər xəsarət alıb, onlardan 62-si xəstəxanadadır, 35 nəfər ölüb.

Moskvanın Basmannı məhkəməsi Mahaçqala ətrafında yanacaqdoldurma məntəqəsində baş verən partlayışda şübhəli bilinən Eldar Nəsrulayevi iki aylıq həbsə göndərib.

Aytən Məftun