Digər

Kanadada on minlərlə insan təxliyə edildi

20 Avqust 2023 14:30

Kanadanın Britaniya Kolumbiyası əyalətində baş verən meşə yanğınları səbəbindən 35 min insan təxliyə edilib.

Publika.az xarici mətbuata istinadən xəbər verir ki, bu barədə Britaniya Kolumbiyası hökuməti bəyanat verib.

"Britaniya Kolumbiyasındakı yanğınlar bir çox bölgələrə təsir edir. Əgər meşə yanğınlarının yayıldığı ərazidə yaşayırsınızsa, evakuasiya ehtimalına hazır olun. Evakuasiya xəbərdarlığı və ya əmr arasındakı fərqi bilin. Zəhmət olmasa çox zərurət olmadıqca əyalətin mərkəzinə və cənub-şərqinə səyahət etməyin. Okanaqanda otellər, motellər və düşərgələr kimi müvəqqəti yaşayış yerlərinin boşaldılması üçün təcili əmr verilir", - bəyanatda qeyd olunub.

Bundan başqa Britaniya Kolumbiyası yanğınsöndürmə idarəsi ştatın cənubundakı Qərbi Keloina şəhəri yaxınlığında baş verən meşə yanğınlarının görüntülərini paylaşıb.