Digər

Şimali Koreyadan üçüncü cəhd: casus peyki startda

20 Noyabr 2023 11:36

Cənubi Koreyanın müdafiə naziri Şin Von-sik bildirib ki, Şimali Koreya hərbi casus peyki buraxmağa yenidən cəhd edə bilər.

Publika.az xəbər verir ki, Şin Von kəşfiyyat məlumatlarına istinadən belə deyib.

“Cənubi Koreya və ABŞ Şimali Koreyanın hərəkətlərini izləyir. Şimali Koreya təxminən bir həftə ərzində baş tutmalı olan buraxılışa hazırlaşır”. Cənubi Koreyanın müdafiə nazirinin sözlərinə görə, Şimali Koreya "demək olar ki, Rusiyanın köməkliyi ilə problemlərini aradan qaldıraraq bu məsələni həll etdi”.

Şin bildirib ki, Şimali Koreyanın hərbi casus peykini orbitə buraxması müttəfiqlər tərəfindən diqqətlə izlənilir. Çünki uğurlu buraxılış silah kimi istifadə oluna biləcək raket texnologiyasında irəliləyiş hesab oluna bilər.

Qeyd edək ki, Şimali Koreyaya BMT Təhlükəsizlik Şurasının sanksiya qətnamələrinə uyğun olaraq ballistik raket texnologiyasından istənilən istifadə qadağandır.

Cəmilə