Digər

Maskalı şəxslər 47 yaşlı iş qadınını qaçırdılar - İki nəfər onu küçənin ortasında...

24 Sentyabr 2024 17:14

Rusiya Federasiyası Saratov vilayətinin Balakovo şəhərində maskalı naməlum şəxslər 47 yaşlı qadını zorla şəxsi avtomobilinə mindirərək qaçırıblar.

Publika.az xəbər verir ki, bu barədə Rusiya Federasiyası İstintaq Komitəsinin region üzrə İstintaq İdarəsinin yaydığı məlumatda qeyd olunub.

İdarədən bildirilib ki, sentyabrın 23-nə keçən gecə Balakovo şəhərinin Qızılgül bulvar küçəsindəki evlərdən birində hələlik şəxsiyyəti məlum olmayan iki şəxs fiziki güc tətbiq edərək 47 yaşlı yerli sakini qaçırıblar.

Sözügedən qadın Natalya Aleşnikovadır və hüquq-mühafizə orqanları onun axtarışlarını davam etdirir. Onu da qeyd edək ki, artıq Rusiya Federasiyası Cinayət Məcəlləsinin 126-cı maddəsinin 2-ci hissəsinin “a” bəndinə əsasən adam oğurluğu faktı ilə cinayət işi açılıb.