Çeçenistan Respublikasının prezidenti Ramzan Kadırov Suriyaya Rusiya quru qoşunlarının göndərilməsini təklif edib.
Publika.az “İnterfaks” agentliyinə istinadən xəbər verir ki, Kadırov bu barədə jurnalistlərə açıqlamasında deyib.
Onun fikrincə, Yaxın Şərqdə İŞİD-lə mübarizə üçün yalnız hava gücləri deyil, həm də quru qoşunları cəlb edilməlidir. “Döyüşlərdə quru qoşunlarından istifadə olunmalıdır. İŞİD-i nə qədər sürətlə bitirsək, dünya daha tez sülh şəraitində yaşayacaq”, - Çeçenistan Respublikasının başçısı vurğulayıb.
Kadırov deyib ki, Çeçenistanda İŞİD-ə qarşı vuruşmaq istəyən on minlərlə könüllü var: “Biz çeçenlərin təəssüf ki, bu şeytanlara qarşı mübarizədə iştirak etmək imkanları hələlik yoxdur”.
Qeyd edək ki, Rusiya Federasiya Şurası bu gün Rusiya hava güclərinə Suriyada anti-terror əməliyyatlarında iştirak etməyə icazə verib. Son məlumatlara görə, Rusiya Suriyanın Xüms şəhərinin yaxınlığında ilk zərbələrini endirib.
Ömər Dağlı
.jpg)
.jpg)
