Dünya

CHP lideri: “Davudoğluya o iki nazirin istefa verməli olduğunu bildirdim”

11 Oktyabr 2015 23:46

Ankaradakı son terror aktı ilə əlaqədar Türkiyənin baş naziri Əhməd Davudoğlu ilə görüşən Cümhuriyyət Xalq Partiyasının (CHP) lideri Kamal Kılıçdaroğlu mətbuat konfransı keçirib.

Publika.az Türkiyə mediasına istinadən xəbər verir ki, CHP sədri daxili işlər və ədliyyə nazirinin vəzifəsindən ayrılmalı olduğunu söyləyib.

“Ədliyyə və daxili işlər nazirləri bu xalqa, ölən insanlara, onların ailələrinə hörmət göstərirlərsə, vəzifələrindən getməlidir. Davudoğluya daxili işlər nazirinin mütləq istefa verməli olduğunu bildirdim. Cəmiyyət faciəni yaşayır, ədliyyə naziri gülümsəyir. O, nazir kreslosunda otura bilməz”, - Kılıçdaroğlu bildirib.

CHP liderinin sözlərinə görə, Əhməd Davudoğlu terror aktının iki kamikadze tərəfindən törədildiyini və həri ikisinin də kişi olduğunu deyib.

Ömər Dağlı