ABŞ prezidenti Kameruna hərbi personal göndərir

ABŞ prezidenti Boko Haram yaraqlarına qarşı kəşfiyyat əməliyyatları üçün Kameruna hərbi personal göndərir.

Publika.az-ın məlumatına görə, Barak Obama qərarını ABŞ Senatı və Nümayəndələr Palatasının rəhbərlərinə məktub vasitəsi ilə açıqlayıb. Məktubda Boko Haramın adı çəkilməsə də, Ağ Evin sözçüsü Coş Ernest qərarın Nigeriyadakı silahlı qruplaşmaqlar və digər ekstremistlərlə mübarizə məqsədi daşıdığını deyib.

Obama deyib ki, 90 nəfərlik hərbi personal Kameruna bazar ertəsi günündən yerləşdirilməyə başlayıb. Prezident əlavə hərbi heyətin hava kəşfiyyat və yoxlanış əməliyyatlarında iştirak edəcəyini bildirib. Bötövlükdə Amerikanın o ölkədəki hərbi personalının sayı 300 nəfər olmalıdır.

Ağ Evin mətbuat xidmətinin rəhbəri Coş Ernest qüvvələrin silahlı olmasının döyüşlərdə iştirak deyil, onların özünümüdafiə mahiyyəti daşıdığını bildirib.

Boko Haram son bir neçə il ərzində Kamerunda yüzlərlə mülki vətəndaşı qətlə yetirib. Qrup Nigeriyada 10 mindən artıq isan həyatına son qoyub.

Boko Haram Kamerunun şimal bölgələrində fəaliyyətdədir.