Dünya
Rusiya Türkiyəyə qarşı gizli silahını işə saldı - VİDEO
Rusiyanın baş naziri Dmitri Medvedev Su-24 təyyarəsinin Türkiyə tərəfindən vurulmasının nəticələrini şərh edib.
Publika.az “RİA-Novosti” agentliyinə istinadən xəbər verir ki, baş nazir Rusiya və Türkiyə arasındakı uzunmüddətli mehriban münasibətlərin pisləşdiyini deyib.
Onun sözlərinə görə, iqtisadiyyat və humanitar sferada münasibətlərə zərər dəyəcək və bu zərəri doldurmaq çətin olacaq. Medvedev türk şirkətlərinin Rusiya bazarını itirə və bir sıra birgə layihələrin ləğv edilə biləcəyini bildirib.
Rusiya baş naziri qeyd edib ki, Türkiyə iqtidarının “cinayət xarakterli düşüncəsiz hərəkətləri” Rusiya-NATO əlaqələrində təhlükəli vəziyyət yaradıb. Medvedevin fikrincə, Türkiyə bu hərəkəti ilə İŞİD üzvlərini qoruduğunu göstərdi: “İŞİD-ə aid təsislərdə istehsal olunan neft məhsullarının ixracından bəzi türk səlahiyyətlilərinin əldə etdiyi birbaşa maliyyə nəzərə alınarsa, bu təəccüblü deyil”.
Bundan əvvəl isə Rusiyadan Türkiyəyə qarşı ilk sanksiya gəlib. “İnterfaks” agentliyinin xəbərinə görə, Rusiya şirkətləri dekabr ayından Türkiyədən ağ ət idxalının dayandırılması barədə qərar veriblər.
Türkiyə mediasının yazdığına görə, Türkiyə əkinçilik və heyvandarlıq, geyim, avtomobil, texniki avadanlıqlar və kimyəvi məhsullar olmaqla Rusiyaya ümumilikdə il ərzində təxminən 6 milyard dollar dəyərində məhsul ixrac edir.
Rusiyanın Türkiyəyə il ərzində ixrac etdiyi məsulların dəyəri isə 25 milyard dollar təşkil edir. Bunun əksər hissəsini təbii qaz (11,7 milyard dollar), xam neft (4.8 milyard dollar) və metal (3,1 milyard dollar) təşkil edir.
Qeyd edək ki, dünən səhər Türkiyə hava məkanını pozan Rusiyaya məxsus SU-24 Türkiyə Silahlı Qüvvələrinə məxsus F-16 qırıcısı ilə vurulub. Türkiyə tərəfi rus təyyarəsinin sərhədi keçdiyini bildirsə də, Rusiya Müdafiə Nazirliyi təyyarənin Suriya hava məkanında vurulduğunu açıqlayıb.
Rusiya prezidenti Vladimir Putin bu hadisənin Rusiya-Türkiyə münasibətlərində ciddi nəticələr doğuracağını bildirib. O, Türkiyənin bu hərəkətini “arxadan zərbə” adlandırıb.
Ömər Dağlı
-
Magazin202:00
Məşhur reper öpüşmə səhnəsinə görə sevgilisini tərk etdi
-
Qoroskop00:35
Günün qoroskopu: bir sıra mətləblər əyan olacaq
-
Nida Xəbər 1 May 23:50
Paşinyan: Mümkün qədər tez...
-
Hadisə1 May 23:26
Qızı evdən qaçan ata efirdə göz yaşı tökdü - VİDEO
-
İqtisadi gündəm1 May 22:50
Dolların qiyməti ilə bağlı QƏRAR
-
Region1 May 22:42
Türkiyə ordusu şəhid verdi
-
İKT1 May 20:50
Telekanallarla bağlı statistika AÇIQLANDI - Ən çox bu verilişlər...
-
Region1 May 20:40
"Xarici agentlər haqqında" qanun layihəsi ikinci oxunuşda qəbul edildi