Dünya

Moskvada bomba həyəcanı – 2 min insan təxliyyə edildi

8 Mart 2016 16:41

Bu gün Rusiyanın paytaxtı Moskva şəhərindəki Riqa bazarında bomba həyəcanı yaşanıb.

Publika.az xarici mətbuata istinadən xəbər verir ki, paytaxtın hüquq-mühafizə orqanlarına alqı-satqı mərkəzində partlayıcı qurğunun olması və partlayış baş verəcəyi haqda xəbər verilib.

“TASS”-ın yaydığı məlumata görə, Moskva polisi dərhal Riqa bazarında axtarışlara başlayıb. Lakin partlayış təhlükəsi haqqında xəbərin yalan olduğu məlum olub. Hüquq-mühafizə orqanlarının əməkdaşları bazarda hər hansı təhlükəli əşya tapmayıblar. “Axtarışlar nəticəsində heç bir partlayıcı qurğu aşkar edilmədi. Polis yalan informasiya verəni axtarır", - deyə hüquq-mühafizə orqanlarındakı şəxs agentliyə bildirib.

Qeyd edək ki, bazarda partlayış təhlükəsinin olması haqda hüquq-mühafizə orqanlarına daxil olmuş anonim zəngdən sonra bu gün iki minə yaxın insan Riqa bazarından təxliyyə edilib.

Anar Tağıyev