Dünya

Prezidentliyə namizəd uşaqlarını öldürəcəyinə söz verdi

25 Aprel 2016 17:38

Filippində prezidentliyə namizəd Rodriqo Dutertenin seçicilərə verdiyi vədlərdən biri daha çox diqqət çəkib.

Publika.az “The Guardian” nəşrinə istinadən xəbər verir ki, siyasi nitqlərində sərt bəyanatlardan istifadə edən Rodriqo Duterte narkotikdən istifadə edəcəyi halda öz uşaqlarını öldürəcəyinə söz verib.

Duterte gözlənilmədən prezident postuna iddiaçı olub. O, dövlət başçısı postunda Beniqno Akinonu əvəz edə bilər. Duterte müxtəlif şəhərlərdə 22 ildən çox mer vəzifəsini tutub.

Analitiklərin fikrincə, Dutertenin söyüşlərlə müşayiət olunan seçkiqabağı kampaniyası xaos sürən və cinayətkarlığın səviyyəsi yüksək olan Filippin cəmiyyətində rezonans yaradır. Aprelin 24-də keçirilmiş rəy sorğusu göstərir ki, Davao şəhərinin meri öz rəqiblərini üstələyib.

Filippində prezident seçkiləri mayın 9-da keçiriləcək.

Ömər Dağlı