Peskov: “Ərdoğana çox açıq şəkildə demişik”
Bizi izləyin
Aptekonline

Dünya

Peskov: “Ərdoğana çox açıq şəkildə demişik”

“Türkiyənin üzr istəməsini və təzminat ödəməsini gözləyirik”.

Publika.az “RİA-Novosti” agentliyinə istinadən xəbər verir ki, bunu Rusiya prezidentinin mətbuat katibi Dmitri Peskov Türkiyə prezidenti Rəcəb Tayyib Ərdoğanın fikirlərini şərh edərkən deyib.

Peskov jurnalistlərə açıqlamasında bildirib ki, dövlət başçısı Vladimir Putin başda olmaqla müxtəlif səviyyələrdə Moskvanın tələbləri çox açıq şəkildə və heç bir işarə olmadan dilə gətirilib.

“Türkiyə hələ bu istiqamətdə heç bir addım atmayıb”, - Putinin sözçüsü vurğulayıb.

Qeyd edək ki, Ərdoğan ilk addımı Türkiyənin atmalı olduğunu söyləyən Vladimir Putinə bu şəkildə cavab verib: “Anlamaqda çətinlik çəkirəm ki, bizdən gözlənilən ilk addım hansıdır. Biz Türkiyə olaraq günahkar kürsüsündə oturan bir ölkə deyilik. Biz Rusiya ilə münasibətləri pozmaq istəyən deyil, inkişaf etdirməyi arzulayan bir ölkəyik”.

Ömər Dağlı

Oxumağa davam et
Reklam
Reklam

Gündəm

Aptekonline