Dünya

Gülün yaxın mühafizəçisi şəhid oldu – FOTOLAR

9 İyun 2016 05:12

Türkiyənin Mardin vilayətinin Midyat mahalında Təhlükəsizlik İdarəsinə hücum zamanı şəhid olan polis Şerife Özden Kalmış keçmiş prezident Abdullah Gülün həyat yoldaşı Hayrunnisa Gülün yaxın mühafizəçisi olub.

Publika.az Türkiyə mediasına istinadən xəbər verir ki, partlayış nəticəsində yaralanan polis Midyat Dövlət Xəstəxanasında həyatını itirib.

31 yaşındakı Şerife Özden Kalmış təxminən 2 il əvvəl Midyata təyinat almışdı. Bir il əvvəl polis olan Hüseyn Kalmışla evlənən Şerife Özden Kalmış 6 aylıq hamilə idi.

Qeyd edək ki, bu gün Türkiyənin Mardin vilayətinin Midyat mahalının Təhlükəsizlik İdarəsinə bomba yüklü avtomobillə hücum təşkil edilib. Partlayış nəticəsində 2-si polis olmaqla 5 nəfər şəhid olub, aralarında mülki vətəndaşların da olduğu 52 nəfər yaralanıb.