Dünya

“Barbara” bu ölkəni iflic etdi - - FOTO

24 Dekabr 2016 13:22

Qasırğaya görə 100-dən çox məktəb bağlanıb, elektrik enerjisinin verilməsində və nəqliyyatda ciddi problemlər yaranıb.

“Barbara” qasırğası Şotlaniyanın şimalında həyatı iflic edib.

Publika.az BBC-yə istinadən xəbər verir ki, qasırğaya görə 100-dən çox məktəb bağlanıb, elektrik enerjisinin verilməsində və nəqliyyatda ciddi problemlər yaranıb.

Məlumata görə, bəzi rayonlarda küləyin sürəti saatda 128 kilometrə çatıb.

Elektrik enerjisində yaranan problemlərə görə 19 mindən çox insan Lyuis adasında qalıb. Qatarlar və aviareyslər təxirə salınıb.

Sinoptiklər yaxın vaxtlarda bəzi rayonlarda küləyin sürətinin saatda 144 kilometrə qədər güclənəcəyini proqnozlaşdırır. Proqnozlara görə, “Barbara” qasırğası Şimali İrandiya, Uels və İngiltərənin şimal rayonlarına da təsir edəcək.

Asif